Мы забыць сваю мову не мусім,

Каб агеньчык яе не ачах.

Пазнаюць нас, што мы з Беларусі,

Па гаворцы, па нашых вачах…

Авалоданне беларускай мовай у дзiцячым садку адбываецца у адпаведнасцi з вучэбнай праграмай дашкольнай адукацыi.

Фарміраванне груп з беларускай мовай навучання ажыццяўляецца ва ўстанове дашкольнай адукацыі  кожны год згодна з інструктыўна-метадычным пісьмом Міністэрства адукацыі Рэспублікі Беларусь з улікам пажаданняў бацькоў (законных прадстаўнікоў) непаўналетніх.    

У дзіцячым садзе№2 г.Смаргоні па жаданні бацькоў працуе адна група з беларускай мовай навучання для дзяцей ва ўзросце ад 5-ці да 7-і гадоў.   

старшая група №12 (выхавальнікі дашкольнай адукацыі Канавалава Н.А., Куніцкая І.А.),

У дадзенай групе адукацыйны працэс, зносіны супрацоўнікаў як з дзецьмі, так і з іх законнымі прадстаўнікамі, ажыццяўляецца пераважна на беларускай мове. Кожны педагог імкнецца стварыць утульнае асяроддзе для маленькіх беларусаў.

Ва ўстанове дашкольнай адукацыі з мэтай фарміравання устойлівай цікавасці і станоўчых адносін да нацыянальнай мовы, жадання авалодаць беларускай мовай; выхавання асноў нацыянальнага светапогляду створаны ўмовы для вывучэння беларускай мовы. У кожнай групе раз на тыдзень выхавальнікі дашкольнай адукацыі размаўляюць з дзецьмі на роднай мове не толькі ў час заняткаў, але і ў нерэгламентаванай дзейнасці. Створаны ў групах куткі, дзе ўтульна размешчаны драўляныя, цагляныя, ільняныя, саламяныя вырабы, фотаальбомы беларускай народнай творчасці.

Задачы развіцця выхаванца ў дзейнасці:

садзейнічаць адрозненню дзецьмі беларускага і рускага маўлення;

пабуджаць да ўзнаўлення кароткіх літаратурных твораў на беларускай мове, да разыгрывання іх;

развіваць элементарныя навыкі зносін на беларускай мове;

узбагачаць беларускі слоўнік дзяцей словамі - назвамі прадметаў асяроддзя, іх якасцей, дзеянняў;

разумець і ўжываць абагульняльныя словы (цацкі, посуд, адзенне, мэбля);

засвойваць формы ветлівасці (добрай раніцы, добры дзень, добры вечар, дабранач, да пабачэння, дзякуй, калі ласка, смачна есці, прабач);

правільна вымаўляць спецыфічна беларускія гукі і інш.